കവിത :അവർ പറയുന്നു .....
കവിത
.................
അവർ പറയുന്നു .....
.............................
അവർ
എന്നോടു പറയുന്നു
നിൻറെ മതത്തെ നീ
നെഞ്ചിനുള്ളിലെ
അടഞ്ഞ മുറിയിൽ
തളച്ചിടൂ എന്ന്
വേദ ഗ്രന്ഥം
മെഴുകുതിരിയും
ചന്ദനതിരിയും
കത്തിച്ചു വെച്ചു
പുണ്യത്തിനായ്
ഓതുവാനുള്ളതെത്രേ
മതം
എന്നോടു പറയുന്നു
ഉണരൂ എഴുന്നേൽക്കൂ -
അനാഥകൾക്ക്
അന്നം നല്കാൻ
പ്രേരിപ്പിക്കാത്തവനും
നീതിക്കു വേണ്ടി
പൊരുതാത്തവനും
മത നിഷേധിയാണന്ന്
അവർ പിന്നെയും
പറയുന്നു
ദൈവ ഭക്തി കൂടുകിൽ
തീവ്ര വാദത്തിന്റെയും
ഭീകരതയുടെയും
വർഗീയതയുടെയും
ചുഴിയിലകപ്പെടുമെന്ന്
ഞാൻ ചോദിക്കട്ടെ
കൃഷ്ണനെക്കാൾ
ഭക്തനായ ഹിന്ദു,
യേശുവേക്കാൾ ഭക്തനായ
ക്രൈസ്തവൻ ,
നബിയെക്കാൾ ഭക്തരായ
മുസല്മാൻ
ഈ മണ്ണിലുണ്ടോ ???
ഭക്തി മാനവീകതയുടെ
നാശ വിത്തെങ്കിൽ
ഈ മഹത്തുക്കളെ
നാം എന്തു വിളിക്കണം ?
ഭക്തി അധരങ്ങളിൽനിന്നു
ഹൃദയത്തിലെത്താൻ
കുറുക്കു വഴികളില്ല
ഹൃദയത്തിൽ ഭക്തി തെളിഞ്ഞാൽ
ജീവിതത്തിലതു തിളങ്ങും
അന്ന് മഹത്തുക്കൾ
വീണ്ടും ജന്മമെടുക്കുന്നു ...
സുലൈമാന്‍ പെരുമുക്ക്
sulaiman perumukku പോസ്റ്റ് ചെയ്തത് @ 10:11 PM
4 അഭിപ്രായങ്ങള്‍
