പൊതു ബോധവും കാവിഭീകര തയും

പൊതു ബോധവും കാവിഭീകരതയും
<><><><><><><><><><><><><>
പൊതു
ബോധത്തിൻ്റെ
കണ്ണും കാതുമാണ്
കാവിഭീകരർ ആദ്യം കട്ടെടുത്തത്!

അങ്ങനെയാണ്
നമുക്കൊന്നും
നഷ്ടപ്പെടുന്നില്ലെന്ന ചിന്ത
പൊതുബോധത്തിൻ്റെ സ്വന്തമായത്.

ഇനി
ഹൃദയം കൂടി
ചൂഴ്ന്നെടുത്താൽ
നാട് നിന്നു കത്തും -

കത്തുമ്പോൾ
അതിൻ്റെ കൊടുംചൂടിൽ
പൊതുബോധവും
ഉരുകില്ലെന്ന് ആര് കണ്ടു?

പൊതുബോധം
സ്വയം ഉണർന്നാൽ നല്ലത്,
ഉണർത്തുപാട്ടുമായി യാചകരാരും
ഇവിടെ വരാനില്ല!!!
~ ~ ~ ~ ~ ~ ~ ~~~~~
സുലൈമാൻ പെരുമുക്ക്